തിരുവനന്തപുരം: സെക്രട്ടേറിയറ്റ്, പി.എസ്.സി., ഓഡിറ്റ് വകുപ്പ് എന്നിവിടങ്ങളിൽ അസിസ്റ്റന്റ്/ഓഡിറ്റർ, ഹയർ സെക്കൻഡറി ടീച്ചർ (കമ്യൂണിക്കേറ്റീവ് ഇംഗ്ലീഷ്), മലയാളം, ഇംഗ്ലീഷ്, ഹിന്ദി, ഗണിതം, നാച്വറൽ സയൻസ്, ഫിസിക്കൽ സയൻസ് വിഷയങ്ങളിൽ ഹൈസ്‌കൂൾ ടീച്ചർ തുടങ്ങി 109 തസ്‌തികകളിലേക്ക് പി.എസ്.സി. വിജ്ഞാപനമെത്തി. വിജ്ഞാപനം ഡിസംബർ 31ന്റെ ഗസറ്റിൽ പ്രസിദ്ധീകരിക്കും, ഉദ്യോഗാർത്ഥികൾക്ക് ജനുവരി 29 വരെ അപേക്ഷിക്കാം.
തദ്ദേശ സ്വയംഭരണവകുപ്പിൽ അസിസ്റ്റൻ്റ് എൻജിനിയർ, ഡ്രാഫ്റ്റ്സ്‌മാൻ/ ഓവർസിയർ, മരാമത്ത് വകുപ്പിൽ എൻജിനിയറിങ് അസിസ്റ്റന്റ്, വനിതാ പോലീസ് കോൺസ്റ്റബിൾ, ഇന്ത്യ റിസർവ് ബറ്റാലിയനിൽ കോൺസ്റ്റബിൾ, കമ്പനി/ബോർഡ്/കോർപ്പറേഷനിൽ കോൺഫിഡൻഷ്യൽ അസിസ്റ്റൻ്റ്, വിവിധ വകുപ്പുകളിൽ എൽ.ഡി.വി./എച്ച്.ഡി.വി. ഡ്രൈവർ തുടങ്ങിയ തസ്തികളിലാണ് വിജ്ഞാപനം തയ്യാറായിട്ടുള്ളത്.
വിജ്ഞാപനത്തിൻ്റെ വിശദാംശങ്ങൾ പിഎസ് സി വെബൈസൈറ്റിൽ ലഭ്യമാണ്. അതേസമയം ഒഴിവ് റിപ്പോർട്ട് ചെയ്യാത്തതിനാൽ കെ.എ.എസിന്റെ രണ്ടാം വിജ്ഞാപനം പി.എസ്.സി.ക്ക് തയ്യാറാക്കാനായില്ല. ഡിസംബർ 31- നകം വിജ്ഞാപനം വന്നില്ലെങ്കിൽ പ്രായപരിധി പിന്നിടുന്നവർക്ക് അവസരം നഷ്‌ടമാകും.
