സ്റ്റേറ്റ് ബാങ്ക് ഓഫ് ഇന്ത്യയിൽ ജൂനിയർ അസോസിയേറ്റ് (കസ്റ്റമർ സപ്പോർട്ട് ആൻഡ് സെയിൽസ്) തസ്‌തികയിലേക്കുള്ള വിജ്ഞാപനം പ്രസിദ്ധീകരിച്ചു. നേരത്തേ ക്ലാർക്ക് എന്നപേരിൽ അറിയപ്പെട്ടിരുന്ന തസികയാണിത്, ബിരുദധാരികൾക്കാണ് ജോലിക്ക് അപേക്ഷിക്കാൻ അവസരം.14,191 (റഗുലർ-13,735, ബാക്ക് ലോഗ്-456) ഒഴിവുകളാണുള്ളത്. ഇതിൽ കേരളത്തിൽ മാത്രം 428 ഒഴിവുകളുണ്ട് (റഗുലർ-426, ബാക്ക് ലോഗ്-2).
യോഗ്യത
ഉദ്യോഗാർത്ഥികൾക്ക് അംഗീകൃത സർവകലാശാലയിൽനിന്ന് ഏതെങ്കിലും വിഷയത്തിൽ നേടിയ ബിരുദം/ തത്തുല്യമാണ് യോഗ്യത. യോഗ്യത 2024 ഡിസംബർ 31-നോ അതിനുമുൻപോ നേടിയതായിരിക്കണം. ഏത് സംസ്ഥാനത്തേക്കാണോ അപേക്ഷിക്കുന്നത് ആ സംസ്ഥാനത്തെ പ്രാദേശികഭാഷ (കേരളത്തിലെയും ലക്ഷദ്വീപിലെയും ഒഴിവുകളിലേക്ക് അപേക്ഷിക്കുന്നവർക്ക് മലയാളം) നന്നായി അറിഞ്ഞിരിക്കണം.
പ്രായം
1.4.2024-ന് 20-28 വയസ്സ്. എസ്.സി. പ്രായപരിധിയിൽ എസ്.ടി. വിഭാഗക്കാർക്ക് അഞ്ചുവർഷത്തെയും ഒ.ബി.സി. വിഭാഗക്കാർക്ക് മൂന്നുവർഷത്തെയും ഇളവ് ലഭിക്കും.
വിധവകൾക്കും പുനർവിവാഹിതരാവാത്ത വിവാഹമോചിതകൾക്കും 35 വയസ്സുവരെ (എസ്.സി., എസ്.ടി.-40, ഒ.ബി.സി.-38) അപേക്ഷിക്കാവുന്നതാണ്. എസ്.ബി.ഐ.യിൽ 30.11.2024-നോ അതിനുമുൻപോ അപ്രന്റിസ്ഷിപ്പ് വിജയകരമായി പൂർത്തിയാക്കിയവർക്ക് ജനറൽ/ ഇ.ഡബ്ല്യു.എസ്.-ഒരു വർഷം, ഒ.ബി.സി.-4 വർഷം, എസ്.സി., എസ്.ടി.-6 വർഷം, ഭിന്നശേഷി (എസ്.സി./ എസ്.ടി)-16 വർഷം, ഭിന്നശേഷി (ഒ.ബി.സി.)-14 വർഷം ഭിന്നശേഷി (ജനറൽ/ ഇ.ഡബ്ല്യു.എസ്.)-11 വർഷം എന്നിങ്ങനെയും വയസ്സിളവ് ലഭിക്കും.
വിശദവിവരങ്ങൾക്കും അപേക്ഷിക്കുന്നതിനും sbi.co.in എന്ന വെബ്സൈറ്റ് സന്ദർശിക്കുക. അപേക്ഷകൾ അയക്കാനുള്ള അവസാനതീയതി ജനുവരി ഏഴ് ആണ്.
