2025ൽ സ്വീഡനിലെ വർക്ക് പെർമിറ്റ്, തൊഴിൽ വിസ എന്നിവയിൽ നിരവധി മാറ്റങ്ങളാണ് നിലവിൽ വരുന്നത്. ഐ.ടി, ഹെൽത്ത് കെയർ, നിർമ്മാണം എന്നിവയിൽ സ്കിൽഡ് പ്രൊഫഷണലുകൾക്ക് സ്വീഡനിൽ സാദ്ധ്യതകളേറെയാണ്. നഴ്‌സിംഗ്, എൻജിനിയറിംഗ്, ടീച്ചിംഗ്, ആർക്കിടെക്ച്ചർ, നിർമാണം, ഡെന്റിസ്ട്രി, സൈക്കോളജി, ഇലക്ട്രിഷ്യൻ, ഐ.ടി തുടങ്ങിയ രംഗങ്ങളിൽ നിരവധി അവസരങ്ങളാണ് ഉദ്യോഗാർത്ഥികലെ കാത്തിരിക്കുന്നത്.
MEXT 2025 സ്കോളർഷിപ് @ ജപ്പാൻ
ജപ്പാനിലെ പ്രസിദ്ധമായ യോക്കോഹാമ നാഷണൽ യൂണിവേഴ്സിറ്റിയിൽ MEXT 2025 സ്കോളർഷിപ്പിന് ഇപ്പോൾ അപേക്ഷിക്കാം. സുസ്ഥിര വികസനം, എൻജിനിയറിംഗ്, സോഷ്യൽ സയൻസസ്, അർബൻ ഇനവേഷൻ തുടങ്ങിയ വിഷയങ്ങളിൽ ഉപരിപഠനത്തിനും ഗവേഷണത്തിനും സ്കോളർഷിപ് ലഭിക്കും. ബിരുദാനന്തര പഠനം പൂർത്തിയാക്കിയവർക്ക് അപേക്ഷകൾ സമർപ്പിക്കാവുന്നതാണ്. അപേക്ഷക്കും വിശദവിവരങ്ങൾക്കുമായി വെബ്സൈറ്റ് സന്ദർശിക്കുക www.in.emb -japan.go.jp
ഫ്യൂച്ചർ സ്കിൽസ്
ഭാവി തൊഴിലുകൾക്കിണങ്ങിയ ഭാവി സ്‌കില്ലുകൾ ഫ്യൂച്ചർ സ്കിൽസ് എന്ന പേരിലാണ് അറിയപ്പെടുന്നത്. സ്കിൽ വികസനം ലക്ഷ്യമിട്ട് ഫ്യൂച്ചർ ഇനവേഷൻ, സ്‌കില്ലുകൾ എന്നിവയ്ക്ക് പ്രാധാന്യമേറുകയാണ്. ഇതിനുതകുന്ന രീതിയിൽ ആയിരിക്കണം ഭാവി സ്‌കില്ലുകൾ രൂപപ്പെടുത്തിയെടുക്കേണ്ടത്. ഉന്നത വിദ്യാഭ്യാസ സ്ഥാപനങ്ങൾ അപ്പ് സ്കില്ലിംഗ്, റിസ്കില്ലിംഗ് പ്രോഗ്രാമുകൾ എന്നിവ ഭാവി തൊഴിലുകൾക്കനുസരിച്ച് തയ്യാറാക്കേണ്ടതുണ്ട്. ഭാവിയിലുള്ള അവസരങ്ങൾക്കിണങ്ങിയ സ്‌കില്ലുകൾ കൈവരിക്കാൻ ശ്രമിക്കുകയും വേണം.
