കുവൈറ്റ് വാണിജ്യ വ്യവസായ മന്ത്രാലയം ഡിജിറ്റൽ വ്യാപാരം, ഇ-ട്രേഡ് എന്നിവയുമായി ബന്ധപ്പെട്ട നിയമങ്ങളിൽ സാമ്പത്തിക മുന്നേറ്റം ലക്ഷ്യമിട്ടു കൊണ്ടുള്ള നടപടിക്രമങ്ങൾ നടപ്പിലാക്കുന്നു. ഡിജിറ്റൽ സമ്പദ് വ്യവസ്ഥ ശക്തിപ്പെടുത്തുന്നതിനും, ഉപഭോക്ത്യ സേവനം മെച്ചപ്പെടുത്തുന്നതിനും, ഇത് ഉപകരിക്കും. ഭാവിയിലെ വെല്ലുവിളികളെ നേരിടുന്നതിനായി എ.ഐ അടക്കമുള്ള ആധുനിക സാങ്കേതിക വിദ്യകൾ ഉപയോഗപ്പെടുത്തും. പുതിയ നിയമത്തിൽ ഭൗധിക സ്വത്തവകാശം,ഐ.പി.ആർ എന്നിവ സംരക്ഷിക്കുന്നതിനുള്ള നടപടികളുണ്ടാകും. ഇത് ഐ.ടി,സേവന മേഖലകളിൽ കൂടുതൽ തൊഴിലവസരങ്ങൾ സൃഷ്ടിക്കും.
കുവൈറ്റിൽ എണ്ണയേതര മേഖലയിൽ കൂടുതൽ വളർച്ച കൈവരിക്കും. 2025ൽ ജി.സി.സി രാജ്യങ്ങളുടെ സാമ്പത്തിക വളർച്ച 1.9 ശതമാനത്തിൽ നിന്നും നാലു ശതമാനമായി ഉയരുമെന്ന് ഓക്സ്ഫോഡിന്റെ ICAEW സാമ്പത്തിക അവലോകന റിപ്പോർട്ട് വ്യക്തമാക്കുന്നു. ഊർജ്ജം, ഊർജ്ജേതര മേഖലകളിൽ മികച്ച വളർച്ചയുണ്ടാകും. സൗദി അറേബ്യ 56.9 ശതമാനം വളർച്ച കൈവരിക്കും. യു.എ.ഇ സമ്പദ് വ്യവസ്ഥ 3.7ൽ നിന്നും 4.5 ശതമാനമായി വർദ്ധിക്കും. ടൂറിസം, വിദേശ നിക്ഷേപം, ഭൗതിക സൗകര്യ വികസനം എന്നി മേഖലകൾ കൂടുതൽ കരുത്താർജ്ജിക്കും.
പണപെരുപ്പനിരക്ക് 2024ലെ 2.3ൽ നിന്നും 1.8 ശതമാനമായി കുറയും. അക്കൗണ്ടിംഗ്,കൺസൽട്ടൻസി, ഓഡിറ്റിംഗ്, എൻജിനിയറിംഗ്,ഐ.ടി, ടൂറിസം, ഇന്നോവേഷൻ,ഡിസൈൻ, ക്രീയേറ്റിവിറ്റി, ഭക്ഷ്യ സംസ്‌കരണം, ടീച്ചിംഗ്, സംരംഭകത്വം, ഹെൽത്ത് ടെക്നോളജി,സുസ്ഥിര വികസനം, നിർമ്മാണം തുടങ്ങിയ മേഖലയിൽ ഗൾഫ് രാജ്യങ്ങളിൽ കൂടുതൽ തൊഴിലവസരങ്ങളുണ്ടാകുമെന്ന് വിവിധ പഠനങ്ങൾ വ്യക്തമാക്കുന്നു. മികച്ച സ്‌കിൽ കൈവരിച്ച അഭ്യസ്ത വിദ്യരായ യുവതി യുവാക്കൾക്ക് 2025ൽ ജി.സി.സി രാജ്യങ്ങളിൽ കൂടുതൽ തൊഴിലവസരസങ്ങൾ ലഭിക്കും. ഫോസിൽ ഇന്ധനങ്ങളുടെ അളവ് കുറച്ച് യു.എൻ കാലാവസ്ഥ ഉച്ചകോടി ലക്ഷ്യമിടുന്ന കാർബണിൻ്റെ ബഹിർഗമനം കുറയ്ക്കാനുള്ള പദ്ധതികളും, പ്രിസിഷൻ ഫാർമിങ് (കൃത്യത കൃഷി), അഗ്രി ടെക്നോളജി എന്നിവയും 2025ൽ കൂടുതൽ കരിതാർജ്ജിക്കും.
