യുഎഇയിൽ അവസരം; ഇപ്പോൾ അപേക്ഷിക്കാം

യുഎഇയിൽ ജോലി അന്വേഷിക്കുകയാണോ. സംസ്ഥാന സർക്കാർ സ്ഥാപനമായ ഒഡപെക് വഴി നിരവധി ഒഴിവുകൾ. ഡ്രൈവർ, ഹെവി ഓപ്പറേറ്റർ, വിഞ്ച് ക്രെയിൻ ഓപ്പറേറ്റർ, ടാലി ക്ലർക്ക് തുടങ്ങിയ തസ്തികകളിലേക്കാണ് ഇപ്പോൾ നിയമനം. പുരുഷൻമാർക്ക് മാത്രമാണ് അപേക്ഷിക്കാനാകുക.

പ്രായപരിധി
24 നും 41 നും ഇടയിലാണ്.

വിദ്യാഭ്യാസം
10 ക്ലാസ് ആണ് അടിസ്ഥാന യോഗ്യത. ശാരീരികമായി ഫിറ്റായിരിക്കണം. വാക്സിനേഷൻ എടുത്തവരായിരിക്കണം.

ഒഴിവുകൾ
ഡ്രൈവർ ഹെവി ഡ്യൂട്ടി
തസ്തികയിൽ 20 ഒഴിവുകളാണ് ഉള്ളത്. 2500 ദിർഹമാണ് ശമ്പളമായി ലഭിക്കുക. ഇതിൽ 900 ദിർഹം ആണ് അടിസ്ഥാന ശമ്പളം. ഡബ്ല്യുഎൻ അലവൻസായി 1300 ഉം ഭക്ഷണത്തിനായി 300 ദിർഹവും ലഭിക്കുക. 8 മണിക്കൂർ ജോലി ഉണ്ടാകും. രണ്ട് വർഷത്തെ പ്രവർത്തന പരിചയം ആവശ്യമാണ്.

വിഞ്ച് ക്രെയിൻ ഓപറേറ്റർ
തസ്തികയിൽ 30 ഒഴിവുകളാണ് ഉള്ളത്. 2500 ദിർഹമാണ് ശമ്പളം. 900 ആണ് അടിസ്ഥാന ശമ്പളം. ഡബ്ല്യുഎൻ അലവൻസായി 1300 ഉം ഭക്ഷണത്തിനായി 300 ദിർഹവുമാണ് ലഭിക്കുക. 8 മണിക്കൂറാണ് അടിസ്ഥാന ജോലി സമയം

ഹെവി ഓപ്പറേററ്റർ
തസ്തികയിൽ 50 ഒഴിവുകളാണ് ഉള്ളത്. 1850 ദിർഹമാണ് ശമ്പളം. 900 അടിസ്ഥാന ശമ്പളം. ഡബ്ല്യുഎൻ 650 ദിർഹവും 300 ഭക്ഷണത്തിനും ലഭിക്കും. 8 മണിക്കൂർ ജോലിയായിരിക്കും ലഭിക്കുക.

ടാലി ക്ലർക്ക്
50 ഒഴിവുകളാണുള്ളത്. 1200 ദിർഹം ശമ്പളമായി ലഭിക്കും. 900 ആണ് അടിസ്ഥാന ശമ്പളം. 300 ദിർഹം ഡബ്ല്യുഎൻ. 8 മണിക്കൂർ ജോലി. ജോലി സംബന്ധമായ മറ്റ് വിവരങ്ങൾ ഒഡപെക് വിജ്ഞാപനത്തിൽ അറിയാം. താത്പര്യമുള്ള ഉദ്യോഗാർത്ഥികൾ നവംബർ 10 ന് മുൻപായി recruit@odepc.in എന്ന മേൽവിലാസത്തിൽ സിവി അയക്കണം. കൂടുതൽ വിവരങ്ങൾക്ക് -https://odepc.kerala.gov.in/jobs/driver-heavy-operator-operator-winch-cranes-and-tally-clerks-required-for-uae എന്ന വെബ്സൈറ്റ് സന്ദർശിക്കുക.