ഒഡെപെക് മുഖേന യുഎഇ-യിലേക്ക് അവസരം

കേരള സർക്കാർ സ്ഥാപനമായ ഒഡെപെക് മുഖേന യുഎഇ-യിലെ പ്രശസ്തമായ കമ്പനിയിലേക്ക് 200 സെക്യൂരിറ്റി ഗാർഡുകളെ തെരഞ്ഞെടുക്കുന്നു. ഇതിനായുള്ള വാക് ഇൻ ഇൻ്റർവ്യൂ അടുത്ത മാസം അഞ്ച്, ആറ് തീയതികളിൽ അങ്കമാലിയിൽ വച്ച് നടക്കും. പുരുഷ ഉദ്യോഗാർത്ഥികൾക്കാണ് ഒഴിവുകളിലേക്ക് അവസരം.

യോ​ഗ്യതകൾ
1) ഇംഗ്ലീഷ് ഭാഷ എഴുതാനും, വായിക്കാനും, സംസാരിക്കാനുള്ള പരിജ്ഞാനം
2) എസ്എസ്എൽസി യോഗ്യത
3) 175 സെൻ്റീമീറ്റർ ഉയരവും നല്ല ആരോഗ്യവാനും, സുരക്ഷയ്ക്കും പൊതു സുരക്ഷയ്ക്കുമുള്ള നിയമ മാർഗ നിർദ്ദേശത്തെക്കുറിച്ച് നല്ല ധാരണയുള്ളവർ ആയിരിക്കണം
4) ആർമി /പൊലീസ് /സെക്യൂരിറ്റി തുടങ്ങിയ ഏതെങ്കിലും ജോലിയിൽ രണ്ട് വർഷത്തിൽ കുറയാത്ത പരിചയസമ്പത്തും ഉള്ളവരായിരിക്കണം.

പ്രായം
25 വയസിനും -40 വയസിനും ഇടയിലുള്ളവർക്കാണ് അവസരം.

ശമ്പളം
AED-2262 (ഏകദേശം 51,000 രൂപ)

മറ്റ് വിവരങ്ങൾ
ഈ റിക്രൂട്ട്മെൻ്റിന് സർക്കാർ അംഗീകൃത സർവീസ് ചാർജ് ബാധകമാണ്. താൽപര്യമുള്ള ഉദ്യോഗാർത്ഥികൾ 2024 നവംബർ മാസം അഞ്ച്, ആറ് തീയതികൾക്കുള്ളിൽ അവരുടെ വിശദമായ ബയോഡാറ്റ (ഫോട്ടോ പതിച്ചത്), പാസ്പോർട്ട്, വിദ്യാഭ്യാസം, തൊഴിൽപരിചയം എന്നിവയുടെ പകർപ്പുകൾ സഹിതം അങ്കമാലി ഇൻകെൽ ടവർ ഒന്നിലുള്ള ഒഡെപെക്കിൻ്റെ ഓഫീസിൽ രാവിലെ ഒമ്പത് മണി മുതൽ നടക്കുന്ന ഇൻ്റർവ്യൂവിൽ പങ്കെടുക്കേണ്ടതാണ്.

വിശദവിവരങ്ങൾക്കായി ഒഡെപെകിൻ്റെ www.odepc.kerala.gov.in വെബ്സൈറ്റ് സന്ദർശിക്കുക. ഫോൺ :0471 2329440/41/42/7736496574/9778620460.