ഐ.ടി.ബി.പി യിൽ ഒഴിവ് ഇപ്പോൾ അപേക്ഷിക്കാം

കേന്ദ്ര സര്‍ക്കാരിന് കീഴില്‍ ഇന്തോ ടിബറ്റന്‍ ബോര്‍ഡര്‍ പൊലിസിൽ ജോലി നേടാന്‍ അവസരം. കോണ്‍സ്റ്റബിള്‍ തസ്തികയിൽ ആകെ 545 ഒഴിവുകളാണുള്ളത്. അടിസ്ഥാന വിദ്യാഭ്യാസ യോഗ്യത പത്താം ക്ലാസ് വിജയമാണ്. കൂടാതെ സാധുവായ ഡ്രൈവിങ് ലൈസന്‍സും കൈവശമുണ്ടായിരിക്കണം. നവംബര്‍ 6 വരെ ഉദ്യോഗാര്‍ഥികള്‍ക്ക് ഓണ്‍ലൈനായി അപേക്ഷ സമർപ്പിക്കാം.

തസ്തിക& ഒഴിവ്

ഐ.ടി.ബി.പി- കോണ്‍സ്റ്റബിള്‍ ഡ്രൈവര്‍ റിക്രൂട്ട്‌മെന്റ്. ആകെ 545 ഒഴിവുകള്‍. 

പ്രായപരിധി

21 വയസ് മുതല്‍ 27 വയസ് വരെ ഉള്ള ഉദ്യോ​ഗാർഥികൾക്ക് അപേക്ഷിക്കാം. സംവരണ വിഭാഗക്കാര്‍ക്ക് നിയമാനുസൃത വയസിളവിനും അർഹതയുണ്ട്.

യോഗ്യത

എസ്.എസ്.എല്‍.സി വിജയവും, സാധുവായ ഹെവി വെഹിക്കിള്‍ ഡ്രൈവിങ് ലൈസന്‍സും ഉള്ള ഉദ്യോ​ഗാർഥികൾക്ക് തസ്തികയിലേക്ക് അപേക്ഷിക്കാം

ശമ്പളം & അപേക്ഷ ഫീസ്

21,700 രൂപ മുതല്‍ 69,100 രൂപ വരെ ശമ്പളം ലഭിക്കും. എസ്.സി, എസ്.ടി, വിമുക്ത ഭടന്‍മാര്‍ എന്നിവര്‍ക്ക് ഫീസില്ലാതെയും മറ്റുള്ളവര്‍ക്ക് 100 ഫീസോടെയും ഡ്രൈവർ തസ്തികയിലേക്ക് അപേക്ഷിക്കാം. 

വിശദ വിവരങ്ങള്‍ക്കായി ( https://recruitment.itbpolice.nic.in/rect/index.php ) ഐടിബിപിയുടെ ഔദ്യോഗിക വെബ്‌സൈറ്റ് സന്ദര്‍ശിക്കുക. അപേക്ഷിക്കുന്നതിന് മുന്‍പായി വിജ്ഞാപനം പൂര്‍ണ്ണമായും വായിച്ച് മനസിലാക്കാന്‍ ശ്രമിക്കുക.